Basic HTML Version
Página 4 de 11
Lex IV.-
Cum capitur quis pro crimine judicis mandato, si est homo bonae famae, et vult eum
uxore vel familia loqui antequam ad judicem veniat, duci debet, si id roget, per domum suam,
si eam in loco illo habet; sed taliter ducatur, ut cautus sit ducens ne fugiat, aut ecclesiam
intrare possit : demum praesentetur Regi vel judici, qui mandavit eum capi. Si tamen ille
captus est homo malae famae, ut latro, vel alius qui consuevit crimina facere, non debet ad
domum duci, sed ad Regem vel Judicem recta via; adductus autem captus ad judicem, statim
jurare faciat de veritate dicenda in facto illo pro quo captus est, et dictum in scriptis ponat; et
persona in custodia tali, qualem delicti qualitas, et personae honestas, vel vilitas exposcit.
Hoc dicit.
Ley V
En que lugar deuen tener presa, e recabdada la muger
Muger alguna seyendo recabdada por algun yerro, que ouiesse fecho, que fuesse de
tal natura, porque mereciesse muerte, o otra pena qualquier en el cuerpo, non la deuen
meter en carcel con los varones; ante dezimos, que la deuen lleuar a algun Monesterio de
dueñas, si lo ouiere en aquel lugar, e meterla y en prision, e ponerla con otras buenas
mugeres, fasta que el Judgador faga della lo que las leyes mandan. Ca, assi como los
varones, e las mugeres, son de departidas naturas, assi han menester lugar apartado do
los guarden; porque non pueda dellos nacer mala fama, nin puedan fazer yerro, nin mal,
seyendo presos en un lugar.
Lex V.-
Muller capta non ponatur cum hominibus in carcere, sed in aliquo Monasterio
monialium tradatur custodienda, ut ibi compedes, aut mulierum custodia sibi apponatur, ne
alias, si carcer virorum et faeminarum sit una, inhonestum quid succedat. Hoc dicit.
Ley VI
En que manera deuen guardar los presos, los que lo han de fazer
Monteros, o Ballesteros, o otros omes qualesquier, que son puestos para guardar los
presos del Rey, o de algun Concejo, non los deuen sacar de aquel lugar donde gelos
mandaron tener, nin de la carcel, nin de la otra prision, para lleuarlos a otra parte, en
ninguna manera, sin mandamiento del Rey, o de aquel Judgador que gelos dio en
guarda; fueras ende, para fazer algunas cosas que ellos non pueden escusar. E maguer
diximos en la tercera ley ante desta, que el que fuere ome honrrado por linaje, o por
riqueza, o por sciencia que ouiesse, que lo non deuen meter en carcel, nin en otra
prision; con todo esso dezimos, que si el preso otorgasse delante del Judgador, que auia
fecho el yerro por que auia seydo recabdado, o gelo ouiessen prouado, e aquellos que lo