Basic HTML Version
Página 7 de 11
non son en culpa, nin merescen pena ninguna porende. Mas aquellos que se fuessen con
los presos, deuen morir porende, quando quier que sean fallados; fueras ende, si alguno
dellos fuere moso, o ome vil, o de mal seso. Ca estonce, non deuen dar la pena
sobredicha a el, mas a aquel que lo y puso; pero el Judgador deue dar a este tal, que se
fue con los presos, otra pena, qual entendiere que meresce, segun su aluedrio. Ca non es
guisado que finque sin pena, seyendo atal que entendiesse lo que fazia.
Lex IX.-
Si custos per comentariensem majorem carceris ponatur, et fugerit cum capto,
occidetur ipse custos, nisi sit puer, aut vilis, qui minus punitur arbitrarie; sed eum ponens
occidetur : alii autem custodes hujus sceleris non conscii, qui ibi non erant aut aliis
vigilantibus dormiebant, non puniuntur, cum non sunt in culpa. Hoc dicit
.
Ley X
Que pena meresce el fiador, si se fuye el acusado a quien fio.
Sobre fiadores dan a las vegadas los Juezes algunos acusados, a tal pleyto, que los
fagan cumplir derecho sobre los yerros de que los acusan : e porende dezimos, que si en
la fiadura fuere puesta pena señaladamente, que peche el fiador, aquella deue pechar, si
non aduxiere aquel a quien fio ante el Juez, para cumplir de derecho. E si non fuere
puesta pena cierta en la fiadura, e fuere costumbre vsada en aquel lugar do acaesciesse,
quanto deue pechar el que assi fia a otro por su faz, si non lo aduxiere a derecho, aquello
deue pechar que fuesse costumbrado. E si non es y costumbre vsada para esto, deuele
poner pena de pecho el Judgador, segun su aluedrio : e sobre tal fiadura non deuen dar
pena en el cuerpo al fiador, maguer aquel a quien fio la mereciesse. Pero el Juez que
diesse sobre fiador algund ome, que fuesse acusado sobre yerro que mereciesse muerte,
o otra pena en el cuerpo, si le fuesse prouado, non se puede escusar que non sea en grand
culpa quando lo diesse por fiadura; e puedele poner pena por ello el Rey, segun su
aluedrio, si el acusado se fuere.
Lex X.-
Si captum pro crimine, quod poenam corporis non irrogat, judex dederit
fidejussoribus de repraesentando eum promittentibus, et stando juri sub aliqua poena certa;
illam solvent fidejussores, si captum non repraesentent. Et si poena non apponitur, statur
consuetudini quantum solvant; quod si nulla est consuetudo, judicis arbitrio taxatur; sed
fidejussor non potest ob hoc corporaliter puniri, licet reus puniatur. Hoc dicit
.
Ley XI
Que pena merescen los guardadores de los presos, si los fizieren mal, o
deshonrra, por malquerencia que les ayan, o por algo que les prometan.